១ ការជ្រើសរើសពូជ
– ជ្រើសរើសយកមើមត្រាវ ណាដែលមានពូជធំល្អមកទុកសម្រាប់ដាំ។
២ ការរៀបចំដី
-មុនពេលដាំយើងភ្ជួរ២ទៅ៣ដង ឲ្យម៉ដ្ឋល្អ ភ្ជួរលើកទី១ដើម្បីលប់កំចាត់ស្មៅហើយរយៈពេលប្រមាណ ៨ថ្ងៃទើបភ្ជួរម្តងទៀតហើយត្រូវរាស់ ដើម្បីលប់កំចាត់ស្មៅម្តងទៀត និងធ្វើឲ្យដីស្មើរ។
៣ ការដាំដុះ
– ត្រូវធ្វើរងមានទទឹងប្រមាណ៥តឹក ចន្លោះពីគ្នាប្រមាណ ១,៥ម៉ែត្រ រួចឆូតចង្អូរកណ្តាលរងនោះដើម្បីដាក់ជី (ជីលាមកសត្វ ឬជីកំប៉ុស្ត) រួចលប់វិញ ឬក៏អាចកាប់ជារណ្តៅ ១,៥តឹក បួនជ្រុង គំលាតពីគ្នាប្រមាណ ៥តឹក។
– យកមើមត្រាវមកដាំនៅលើរងដែលបានរៀបចំរួចដោយមានសំណើមខ្ពស់។
៤ .ត្រូវដាក់ជីបន្ថែមរាល់ ១ខែម្តង អាចដាក់ជាមួយគ្នានៅពេលដែលយើងបញ្ចូលទឹកឲ្យវា (ជីអ៊ុយរ៉េ ឬជីលាមកសត្វបើមាន)។
៥ ការថែទាំ
– ស្រោចទឹកនៅពេលដែលដីស្ងួត
– ជ្រុំគល់ និងដកស្មៅ
– ការពាររោគបំផ្លាញ។
៦ ការប្រមូលផល
ក្រោយពីដាំបានរយៈពេល៤ទៅ៥ខែអាចប្រមូលផលបានហើយ។
អត្ថបទ៖ អ៊ាង សុផល្លែត
