អ្នកត្រូវទទួលទានអាហារដែលមានសុខភាពល្អ ដើម្បីផ្តល់ឲ្យរាងកាយរបស់អ្នកនូវអាហារបំប៉នជាច្រើននៅរដូវរងារ។ រដូវរងារអាចមានផលប៉ះពាល់ដល់ស្បែក ហើយអ្នកអាចនឹងប្រើប្រេងឬក្រែមច្រើន ដើម្បីទប់ទល់នឹងភាពស្ងួត ប៉ុន្តែវាគ្មានប្រសិទ្ធភាពទេ។ ការទទួលទានអាហារដែលមានសុខភាពល្អក៏អាចការពារស្បែករបស់អ្នកបានផងដែរ ទោះបីជាសីតុណ្ហភាពខ្លាំងយ៉ាងណាក៏ដោយ។ មានអាហារល្អៗមួយចំនួន ដែលអ្នកត្រូវរួមបញ្ចូលទៅក្នុងរបបអាហារនៅរដូវរងាររបស់អ្នក។ ខាងក្រោមនេះ គឺអាហារល្អៗសម្រាប់អ្នកនៅរដូវរងារ។
១. ផ្លែក្រូច
ផ្លែក្រូច គឺជាផ្លែឈើល្អបំផុតមួយសម្រាប់រដូវរងារ។ វាមានកម្រិតវីតាមីន C ខ្ពស់ ដែលជាសារជាតិប្រឆាំងនឹងអុកស៊ីតកម្ម ដែលកោសិកាជាច្រើននៃប្រព័ន្ធភាពស៊ាំត្រូវការ។ ការទទួលទានផ្លែក្រូចជារៀងរាល់ថ្ងៃនឹងជួយកាត់បន្ថយហានិភ័យនៃកង្វះវីតាមីន C ដែលជាលទ្ធផលជួយកាត់បន្ថយ ហើយមានការប្រឆាំងនឹងធាតុបង្កជំងឺមួយចំនួន។ ផ្លែឈើនេះក៏មានកាឡូរីទាបផងដែរ។ សូមទទួលទានជាមួយនឹងក្រូចស្រស់ជារៀងរាល់ថ្ងៃ។
២. ការ៉ុត
អង្គុយរុំភួយជាមួយការទំពារការ៉ុតផ្អែមលេងឬជិបជាមួយនឹងស៊ុបការ៉ុតក្តៅៗ គឺជាអ្វីដែលមនុស្សមូយចំនួនចូលចិត្តធ្វើ។ ជាការពិតណាស់ការ៉ុត គឺជាអាហារពិសេសមួយនៅក្នុងរដូវរងារ។ បន្លែនេះមានបរិមាណខ្ពស់នៃសារធាតុបេតាការ៉ូទីន ដែលរាងកាយបំលែងវាទៅជាវីតាមីនA ដែលជួយពង្រឹងប្រព័ន្ធភាពស៊ាំការពារប្រឆាំងនឹងការឆ្លង និងកាត់បន្ថយហនិភ័យ និងកំឡុងពេលនៃបញ្ហានៃការដកដង្ហើមដោយរក្សាសួតឲ្យមានសុខភាពល្អ។
លើសពីនេះទៅទៀតការ៉ុតរក្សាស្បែកឲ្យមានសុខភាពល្អ ភ្លឺស្រស់ស្អាត និងរស់រវើកក្នុងកំឡុងពេលរដូវរងារ។ វីតាមីន A និងសារធាតុប្រឆាំងអុកស៊ីតកម្មជាច្រើនទៀតជួយដល់ការជួសជុលជាលិកាស្បែកដែលខូច វាក៏ជួយរក្សាស្បែកឲ្យមានសំណើម ហើយការពារស្បែកស្ងួត និងស្បែកស្តើង។ អ្នកអាចយកការ៉ុតដាក់នៅក្នុងម្ហូបបន្លែ និងស៊ុប ក៏ដូចជាការបរិភោគវាជាបន្លែដាច់ដោយឡែកមួយសម្រាប់អាហារ និងបរិភោគលេង។
៣. ស៊ុត
ការបរិភោគស៊ុតក្នុងកំឡុងពេលរដូវរងារ គឺសំខាន់ណាស់។ ពណ៌លឿងនៃស៊ុតមានផ្ទុកជាតិកាល់ស្យូម និងជាតិដែកជាង ៩០ភាគរយ ហើយពណ៌សផ្ទុកជាតិប្រូតេអ៊ីន ស្ទើរតែពាក់កណ្តាលនៃស៊ុត។ លើសពីនេះទៀតការបរិភោគស៊ុតសម្រាប់អាហារពេលព្រឹកនឹងជួយអ្នករក្សាទម្ងន់រាងកាយឲ្យមានសុខភាពល្អ ព្រោះក្រៅពីការផ្តល់នូវថាមពល ស៊ុតធ្វើឲ្យអ្នកមានអារម្មណ៍ថាឆ្អែត។ ស៊ុតតូចមួយគ្រាប់មានផ្ទុកវីតាមីនជាច្រើនដែលមានសារៈសំខាន់ដល់សុខភាពរបស់អ្នកដូចជា វីតាមីន B2, B12, A និង E វាក៏មានផ្ទុកជាតិដែក ស័ង្កសី និងផូស្វ័រ ដែលជាសារធាតុរ៉ែដ៏សំខាន់មួយសម្រាប់រាងកាយអ្នក។ មិនថាស្ងោរឬក្រឡុកចៀន ស៊ុត គឺជាវិធីដ៏ល្អសម្រាប់អាហារពេលព្រឹករបស់អ្នកក្នុងរដូវរងារ។ អ្នកមិនគួរបរិភោគស៊ុតឆៅឬឆ្អិនតែពាក់កណ្តាលទេ ព្រោះវាអាចមានបាក់តេរីដែលធ្វើឲ្យប៉ះពាល់ដល់សុខភាពរបស់អ្នក។
៤. ផ្កាខាត់ណាខៀវ
បន្លែនេះមានសារជាតិប្រឆាំងអុកស៊ីតកម្មខ្ពស់រួមទាំងវីតាមីន និងសារធាតុរ៉ែផងដែរ។ វាមានផ្ទុកវីតាមីន C ជាតិសរសៃ បេតាការ៉ូទីន និងប៉ូតាស្យូម។ វាក៏ផ្តល់អត្ថប្រយោជន៍ដល់ស្បែកស្ងួត និងស្បែកស្តើងនៅពេលរដូវរងារផងដែរ។ ដាក់បន្ថែមផ្កាខាត់ណាខៀវទៅក្នុងចានបន្លែ និងកូរបំពងវាដែលអ្នកអាចធ្វើបាន។ ដើម្បីទទួលបានរសជាតិបន្ថែមសូមសាកល្បងចំហុយឬដុត និងស៊ុបផ្កាខាត់ណាខៀវក៏បានដែរ ។
៥. ផ្លែបឺរឬផ្លែអាវូកាដូ
ផ្លែបឺរផ្តល់នូវវីតាមីន A, C និង E ក៏ដូចជា ម៉ាញេស្យូម និងប៉ូតាស្យូម។ វាជួយឲ្យស្រទាប់ភ្នាសនៃស្បែករបស់អ្នករក្សាសំណើម ដែលការពារស្បែកស្ងួត។ ការទទួលទានផ្លែឈើនេះក៏ជួយកាត់បន្ថយនូវស្នាមជ្រីវជ្រួញ ព្រមទាំងធ្វើអោយស្បែករបស់អ្នកកាន់តែប្រសើរឡើង។ វាក៏ជួយបង្កើននូវការផលិតសរសៃទឹកប្រូតេអ៊ីននៃស្បែក ដែលរក្សាភាពទន់ និងរឹងមាំនៃស្បែករបស់អ្នក។ អ្នកអាចយកវាមកធ្វើជាបឺរក្រឡុក ហើយក៏អាចដាក់វាជាមួយម្ហូបបន្លែរបស់អ្នក។
៦. ផ្លែទទឹម
ផ្លែទទឹមមានផ្ទុកសារជាតិប្រឆាំងអុកស៊ីតកម្ម ដែលជួយអ្នកឲ្យមានសុខភាពល្អ និងរឹងមាំក្នុងរដូវរងារ។
ផ្លែទទឹមក៏ផ្តល់នូវអត្ថប្រយោជន៍ដែលប្រឆាំងនឹងភាពចាស់ដល់ស្បែករបស់អ្នក ដែលវារក្សាស្បែកមានភាពរលោង និងវ័យក្មេង។ ដោយសារតែវីតាមីន C របស់វា ផ្លែឈើនេះជួយជំរុញអោយមានការបង្កើតសរសៃប្រូតេអ៊ីន ដែលជួយពន្យារនៃភាពមិនល្អ និងស្នាមជ្រួញនៃស្បែក។ លើសពីនេះទៅទៀតវាមានកាឡូរីតិ។
អ្នកអាចយកធ្វើជាទឹកក្រឡុក និងដាក់ជាមួយម្ហូបបន្លែរបស់អ្នក។ អ្នកក៏អាចទំពារវាលេងជាអាហារសម្រន់បាន។
អត្តបទដោយ៖ ផ្សារកសិកម្មយើង – Our Agricultural Market
(រក្សាសិទ្ធិក្នុងការថតចម្លងផ្សព្វផ្សាយដោយមិនបានទទួលការអនុញ្ញាតពីម្ចាស់គេហទំព័រ និងផេច)
