ផ្លែត្រឡាច គឺជាប្រភេទផ្លែឈើដែលសម្បូរនូវជាតិទឹក ក៏ដូចជាវីតាមីនជាច្រើន នៅពេលដែលវាទុំ គេតែងតែយកវាមកធ្វើជានំផ្សេងៗ ក្នុងប្រភេទនំទាំងអស់នោះ ក៏មាននំដំណាប់ត្រឡាចផងដែរ។
គ្រឿងផ្សំ
– ទឹករំចេក
– ត្រឡាចទុំ ៤០០ ក្រាម
– អំបិលមួយចឹប
– ស្ករស ៦៥០ ក្រាម
– កំបោរសកន្លះស្លាព្រាបាយ
**វិធីធ្វើ**
១ . ដំបូង អ្នកគួរតែធ្វើការជិតសម្បកត្រឡាច នឹងឆ្កៀលគ្រាប់ឲ្យអស់ជាមុនសិន។ បន្ទាប់ពីជិតសម្បករួច អ្នកគួរតែហាន់វាជាបន្ទះៗ តាមរូបរាងដែលអ្នកចង់បាន។
២ . បន្ទាប់ពីធ្វើការហាន់ជាបន្ទះៗរួចមក អ្នកគួរតែដាក់ត្រាំទៅក្នុងទឹក ដែលមានបន្ថែមនូវកំបោរស រយៈពេលមួយយប់។
៣ . ជាបន្តមកទៀតអ្នកត្រូវធ្វើការលាងសម្អាតវា ឲ្យបានស្អាត ពី ២ ទៅ ៣ ដង ទុកមួយអន្លើឲ្យស្រស់ទឹក។
៤ . ដាក់ដាំទឹកដោយមានបន្ថែមស្ករស ៤០០ ក្រាម ចូលទៅក្នុងនោះ កូរឲ្យរលាយរងចាំឲ្យពុះចាក់ត្រឡាចចូល ដាក់ស្ងោដើម្បីឲ្យត្រឡាចមានជាតិផ្អែម ស្ងោប្រហែល ៣ ទៅ ៥ នាទី។
៥ . បន្ទាប់ពីស្ងោរួចមក ដាក់ចូលទៅក្នុងចានមួយ រួចបន្ថែមស្ករ ២៥០ ក្រាម នឹងអំបិលមួយចឹបចូល រួចយកថង់ប្លាស្ទិចមកគ្របពីលើ រងចាំ ៥ ទៅ ១០ នាទី។
៦ . ក្រោយពីរងចាំរយៈពេល ៥ ទៅ ១០ នាទីរួចមក អ្នកនឹងឃើញថាស្ករដែលបានទុកនោះគឺរលាយទៅជាទឹក សឹមដាក់ទឹករំចេកកន្លេះស្លាបព្រាកាហ្វេ។
៧ . ក្រោយពីរលាយមក គឺយកមកចាក់ក្នុងខ្ទះដែលក្តៅ ដាក់ឆាច្របល់រហូតដល់ស្ងួត អ្នកនឹងឃើញថាស្ករ គឺបានជាប់ជាមួយស្ករ។ ឬក៏អ្នកមិនធ្វើដូចនេះ អ្នកអាចដាក់ស្ករចូលក្នុងខ្ទះ មានបន្ថែមទឹកមួយកូនកែវតូច ដាក់រំងាស់រហូតពុះរាងស្អិត ចាក់ត្រឡាចចូលកូររហូតដល់ស្ករស្ងួត ដូចគ្នាដោយមិនចាំបាច់ដាក់ស្ករ ចូលក្នុងចានត្រឡាចទុកឲ្យរលាយជាមុននោះទេ៕
