គ្រឿងផ្សំ៖ បាយ ២កូនចាន, ស៊ុត ២គ្រាប់, បង្គា ៨-១០ បកសំបកឲ្យស្អាត, ការ៉ុត ហាន់ល្អិតៗ ឬចិញ្រ្ចាំ ២ស្លាបព្រាបាយ, ខ្ទឹមបារាំង ហាន់ល្អិតៗ ឬចិញ្រ្ចាំ ៣ស្លាបព្រាបាយ, ស្លឹកខ្ទឹម ហាន់ល្អិតៗ ១ស្លាបព្រាបាយ, ខ្ទឹមសចិញ្រ្ចាំ ២ស្លាបព្រាបាយ, ទឹកស៊ីអ៊ីវ ២ស្លាបព្រាបាយ, ស្ករស ២ស្លាបព្រាកាហ្វេ, ម្រេចម៉ត់ កន្លះស្លាបព្រាកាហ្វេ។ វិធីធ្វើ៖ ដាក់ប្រេងឆាចូលខ្ទះឲ្យក្តៅ រួចដាក់ខ្ទឹមសចិញ្រ្ចាំ និងខ្ទឹមបារាំងចូល ឆាច្របល់ឲ្យក្រហមបន្តិច ហើយដាក់បង្គាចូល ឆាច្របល់ឲ្យបង្គាជិតឆ្អិន។
គោះស៊ុតដាក់ចូល ឆាច្របល់ចូលគ្នាឲ្យសព្វប្រហែល ១នាទី រួចដាក់បាយចូល ឆាច្របល់ចូលគ្នាឲ្យសព្វល្អ។ ដាក់ទឹកស៊ីអ៊ីវ ស្ករស ម្រេចម៉ត់ ការ៉ុត ស្លឹកខ្ទឹមចូល ឆាច្របល់ចូលគ្នាឲ្យសព្វ ឆ្អិនហើយដួសដាក់ចានជាការស្រេច៕ ចុចមើលវីដេអូពីវិធីធ្វើនៅខាងក្រោម៖
វីដេអូ៖
សម្រួលអត្ថបទដោយ៖ ស្រីពៅ
