គ្រឿងផ្សំ៖
-ល្ពៅ ៥០០ក្រាម កាត់ជាដុំតូចៗល្មម
-សាច់ជ្រូក ២៥០ក្រាម ហាន់ស្តើងៗល្មម
-ខ្ទិះដូងដើម ១កូនចានចង្កឹះ និងខ្ទិះចុង ៣កូនចានចង្កឹះ
-គ្រឿងបុក ២ស្លាបព្រាបាយ (ម្ទេសក្រៀម រំដេង គល់ស្លឹកគ្រៃ ខ្ទឹមស ខ្ទឹមក្រហម ដាក់អំបិលចូលបន្តិច កាពិ បុកចូលគ្នា)
-ម្ទេសដៃនាងហាន់ ស្លឹកជីនាងវង ស្លឹកក្រូចសើច
-ទឹកត្រី ១ស្លាបព្រាបាយកន្លះ
-ស្ករ ១ស្លាបព្រាបាយ
វិធីធ្វើ៖
១.ដាក់ខ្ទិះដើមចូលក្នុងឆ្នាំង ហើយដាក់គ្រឿងបុកចូល កូរឲ្យសព្វចូលគ្នាប្រហែល ២–៣នាទី រួចដាក់ខ្ទិះចុង ហើយដាក់ល្ពៅចូល ទុកវារម្ងាស់ឲ្យពុះប្រហែល ៥–៧នាទី
២.ដាក់សាច់ជ្រូកចូល រម្ងាស់ប្រហែល ៣–៥នាទី រួចដាក់ទឹកត្រី និងស្ករចូល រួចកូរឲ្យសព្វម្តងទៀត
៣.ដាក់ស្លឹកក្រូចសើច ស្លឹកជីនាងវង និងម្ទេសហាន់ចូល កូរឲ្យសព្វទុកប្រហែល ១នាទី ហើយដួសដាក់ចានជាការស្រេច។
វីដេអូវិធីធ្វើប្រភពពី facebook៖
សម្រួលអត្ថបទដោយ៖ ផ្សារកសិកម្មយើង – Our Agricultural Market
